'O rraù
'O rraù ca me piace a mme
m' 'o ffaceva sulo mammà.
'A che m'aggio spusato a te,
ne parlammo pe' ne parlà.
Io nun sogno difficultuso;
ma luvàmmelo 'a miezo st'uso.
Sì, va bbuono: cumme vuò tu.
Mò ce avèssem' appiccecà?
Tu che dice? Chest'è rraù?
E io m''o mmagno pe' m' 'o mangià...
M' 'a faje dicere 'na parola?
Chesta è carne c' 'a pummarola!
Le poesie di Eduardo
Le poesie di Eduardo
Nessun commento:
Posta un commento