Sonetto "elettorale"

  ELEZIONI

A me 'sti ffacce 'ncopp'a 'e manifieste male me fanno sta': song' indiggeste! 

Gli appelli, po', che fanno ('sti fetiente) so' bbuone sulo pe' chi è deficiente. 

Vutàtece ca simm' oneste e bbuone.... Si ce vutate aumentano 'e ppensione.... 

Vutate a nnuje ch' 'e ccose meglio jarrànno....Perzone comm'a nnuje ve salvarrànno....

'N campo nuje simm' scise pe' ffa' 'o bbene 'e chi 'nguajato sta e sorde nun tene.....

'Nzomma, so' tutt' quante alluminate, tutt'altruiste e disinteressate. 

  Nisciùno 'e lloro 'o ddice, forte e chiaro: 

  vutàteme, ch' 'o ffaccio pe' ddenaro!


           Vincenzo Errico